Progetu SardFox

Ditzionàriu Informàticu

De candu eus incumentzau a traballai a suba de SardFox,‭ ‬sa primu cosa chi eus pentzau de fai fiat unu ditzionàriu de is fueddus prus umperaus in sa computadora.
Fendi custu eus biu ca,‭ ‬prus genti traballàt,‭ ‬prus fiat difitzili a traballai impari sentza de tenni un'aina chi s'agiudessit a si ponni de acòrdiu.
Eus intzandus detzìdiu de iscriri unu programa nostu,‭ ‬chi eus tzerriau Ditzionàriu,‭ ‬chi si podessit agiudai a traballai a suba de SardFox.

Ditzionàriu‭ ‬0.1

Po primu cosa si serbiat una interfaci Web po podi aciungi bortaduras a is fueddus de su ditzionàriu informàticu de riferimentu.‭ ‬Fabio‭ "Fabiux" ‬Pani,‭ ‬a patiri de un'atru programu tzerriau CMSKey iscritu de issu etotu,‭ ‬at fatu sa primu bersioni funtzionanti de ditzionariu‭ ‬0.1.
Custa permitiat‭ ‬isceti de bortai fueddus in sardu e teniat isceti is funtzionis de basi,‭ ‬ma s'at permìtiu de incumentzai a traballai impari a lestru.

Ditzionàriu dev

De chi eus tentu una bersioni de basi e funtzionanti de Ditzionàriu,‭ ‬gràtzias a s'agiudu de Massimo‭ "‬Massimeddu" ‬Cireddu eus incumentzau a aciungi funtzionis chi si podiant serbiri in sa bortadura.‭ ‬A canta a sa bersioni‭ "‬stabili" ‬de Ditzionàriu est duncas nàscia una bersioni prus‭ ‬isperimentali‭ (‬tzerriada Ditzionàriu‭ ‬dev‭) ‬aundi,‭ ‬a manu.a manu,‭ ‬eus postu is funtzionis noas.
Is àrias aundi eus traballau de prus funt‭ ‬istètias:

‏ possibilidadi de bortai Firefox‭ (‬e atrus softwares‭) ‬a intru de ditzionàriu‭;
‏ visualitzazioni de agiudus e consillus candu si bòrtat una corria de Firefox‭ (‬po esèmpiu,‭ ‬amostendi is bortaduras fatas po custus fueddus a intru de su ditzionàriu informàticu de riferimentu‭);
‏ aciunta de funtzionis po traballai impari e chistionai e arrexonai impari‭ (‬cumente su forum,‭ ‬sa chat,‭ ‬etc.‭);
‏ funtzioni po manixai sa configuradura de su programa.

Ditzionàriu‭ ‬0.9-beta

Mancai no eus ancora acabau su traballu a pitzus de sa bersioni "dev",‭ ‬una parti manna de is funtzionis noas podint giai essi umperadas.‭ ‬Po custu eus detzìdiu de fai una bersioni‭ "‬beta" ‬de ditzionàriu,‭ ‬aundi eus postu totu is novas de ditzionàriu dev chi funt giai acabadas.

Ditzionàriu‭ ‬1.0

S'amàncat ancora unu pagu de traballu po podi acabai‭ ‬totu is cosas chi boleus fai in su ditzionàriu dev.‭ ‬Candu eus a acabai e eus a biri ca no nci funt medas faddinas,‭ ‬dd'eus a tzerriai Ditzionàriu‭ ‬1.0.

Nòminis de bersionis

Cumenti e totu is softwares chi s'arrispetint,‭ ‬Ditzionàriu tenit nòminis de bersionis.
Ditzionàriu dev est unu‭ "‬ sirboneddu " ‬ca,‭ ‬cumenti unu sirboni piticu,‭ ‬ddi praxit a forrogai e castiai a in nantis,‭ ‬e no s‭’‬ iscit mai ita podit fai;
Ditzionàriu‭ ‬0.9‭ ‬est un‭' " ‬ angioni alluau " ‬ca,‭ ‬mancai sigat‭ ‬su chi depit fai,‭ ‬parrit sempri ca d'amàncat calincuna cosa;
Ditzionariu‭ ‬1.0‭ ‬at a essi una‭ "‬ brebei bregungiosa " ‬ca,‭ ‬po imoi,‭ ‬no si bolit amostai.

Atras‭ ‬iscedas

Po‭ ‬isciri cumenti podis umperai su ditzionàriu podis castiai sa pàgina de agiudu .
Po‭ ‬iscedas a pitzus de sa licèntzia de ditzionàriu podis castiai sa pàgina de is‭ credits ‭.

login